sunu’

kaylanay simu qutux pin’aras kay’ na bnkis. nanu’ squ raral raral hiya mga, babaw cinbwanan qani min_ungat qu zayzik na uru ru Ihluhi hiya ma. rhzyal ga gigway balay bay’nux , ana kya qu rgyax nya’ mga rrawq ru ttaykuy nanak. taqu gawng uzi ga ini’ baqi squ wayal Imuhuw inu’.
ki’a mha nanu’, muwah sa qutux ryax qu sunu’ la. kwara’ qu sbqi na qsya’ min_gyut mbhuzyaw ru maymaw hmawr qu gawng, ktan qu qsya’ qasa nyal si in_gaygyut mbhuzyaw ru m’bsilung lma. mnkux kwara’ qu ’Tazyal ru mkura’ tay Papak Gwaqa’ mgyay, sawn kasa qu qsya’ uzi ga, nyal ’si ruru mkrkyas ru sgnt’tu nya’ b’bu na rgyax qu ’Tazyal.
lmnglung kwara’ mrhu na ’Tazyal mha “swa’ nyux yan qani msttawra qu qsya’ la? una kya qu nyux ss’ang nqu utux tay ita’ ka ’Tazyal ga? yan nasa lga aki’ hmswa’ biqan ta’ qutux squliq, sgalu’ ta’ nya’ lga tayta’ mswat qu qsya’ qani!” mha ru sgwazyaw nha’ qutux mrawi na squliq , sbuling nha’ kska’ na bsilung. n_gawn nha mita’ qu qsya’ ga qzinah nya’ msttawra ru mbhuzyaw lma. mssli kwara qu mrhu na ’Tazyal lawzi mha
“ki'a hazi nyux t’uqu nqu psqrgan ta’ zyaqih na squliq la? balay ga anay ta’ gmuzyaw squ ’laqi’ na mrhu ka knayril, tayta’ snhyun nqu utux qu cin’glwan na inlungan ta’”. nanu’ yasa qu sgwazyaw nha balay sa ’laqi’ na mrhu ka knayril, sbuling nha’ lawzi squ kska’ na qsya’ qu squliq qasa.
bsyaq hazi innaga nha’ lga, ’si kta’ ka wayal ’si gisa “gur” msluhi qu qsya’ la. babaw nya’ lga min_ggyut mqlih qu qsya’ lma, maymaw balay mzimu’ kwara’ qu 'laqi’ na ’Tazyal, swa’ ga nyux balay glgan na utux qu cin_glwan nha’, ulung su’ sa sbiqan nha’ qu knayril ka ’laqi’ na mrhu nha’.
babaw na minsunu’ lmga, tngan kwara’ qu rhzyal wayal masuq msluhi ru zayzik qu uru la. taqu ’nwahan na qsya’ hiya, cyux masuq pqaya’ kwara’ qu qlqulih ru ttlaqi, maymaw ini’ kkwa_i maniq nqu ’Tazyal, kya kruma’ mga wal ’si pstmah squ pinqzyan nya’ lma. nanu’ yasa qu t’aring maki’ qu yaba’ na rgrgyax ru zayzik na uru uzi la. nanu’ yani qu zyuwaw na sunu’ ka pin’aras na mrhu bnkis.

洪水傳說

我要訴說一件祖先叮嚀傳訴的話，據說遠古遠古以前，整個宇宙大地幾乎沒有很深的山谷及滿佈懸絕壁的。大地是一片不著邊際地平坦平原，即使有山那也只是矮小的山丘而己。那麽，像河水的溪流亦看不出它到底流向何方。
不知不覺中有一天，大洪水狂般的侵襲。每一個水源頭路都逐漸地暴漲開來，同時洪水開始暴發，沒多久河水不斷的增加致使大地變成汪洋澤國。泰雅人驚慌之餘朝向山頂高處躲藏，强勁地浪潮依然如故填加，甚至逼迫泰雅人擠向山區的峰頂之上。
劫難之際，泰雅先輩長老們議之後說：「水勢波洶湧，到底是因何而起呢？是不是神靈給族人的懲戒，如果是這樣我們可以在族人之中選一個頑劣的人獻給神靈，藉此行動可讓神靈恤吾族，使洪水能夠消退！
」。說者就挑選了一位卑劣的族人，然後把他抛向大水之中，他們期待河水的變化，但是河水更是狂怒號，漲勢愈烈。族中領袖（長老）再一次緊急會商之後說：「也許是因為我們丟下頑劣的族人獻給祂，使祂更爲憤怒，最好我們挑選長的漂亮公主，如此神靈才可能真實確信我們對他的皮誠乞求的心機」。他們毫不猶豫地把公主挑出來，然後把拋入狂巨浪之中。
他們一分一秒的等待著，乞望洪水退卻。突然之間河水一聲 “gur”巨響，萬馬奔騰般的消退。河水漸漸的乾涸，每一個族人都歡欣鼓舞，高興洪水終於能夠離他們而去。因為他們的乞求即蒙神靈所願，所幸的是他們承獻了一位漂亮的長掌上明珠。
據說洪水消退不久之後，看看大地的景觀盡是崩陷落涯，以及深坑溝谷驟然呈現眼前。洪水所到之處，許許多多的魚兒和鱸鰻被拌住在山間涯下，泰雅族人雖然盡力取而食之，但是他們無法完全取食，甚至大多數腐爛在被拌住的地方。
自此以後原野大地的景觀才充滿山嶺峰巖以及深坑溝谷。以上就是泰雅先輩所傳訴有關洪水的事蹟。