qinnxan na ‘Tazyal raral
s'nun balay qu qinnxan na bnkis ’Tazyal raral hiya, swa’ ga ini’ sami nangi’ mawzyay ma. ana balay qutux nanak nqzyu bwax na trakis ru basaw lmga, abas qutux kluban qu mami’ nya. tayhuk squ mqumah mga , inblayqun nha’ mlahang qu qutux nqzyu ka gnhap nha, swa’ ga
mutux ini’ suqi maniq qutux kawas qu qutux nqzyu ka pinqmahan nha qasa lma.
mha ni kya qu sawyan su maniq ga, mutux si p'uwah nanak. nanu’ mha msqawlu’ su’ sa hi’ na qsinu, yan na bzyuwak mga, ’si uwah phit cikay llyu na ngungu’ mya, iyat yasa hawqan su qutux bukil ru ’mukan su’ nqu bluku, iwan su cikay ru ptgyahan lga, nyux qutux binb’an qu hi’ nya’ lma.
bqanux uzi mha sphit nya’ qu qutux papak nya lga ini’ suqi tmahuk lma. ungat qu qhuning pnhun su’, mutux myal si pzihtuw squ tubung ru ini’ kb’ki ana cikuy uzi.
maki’ qutux ryax , qutux qu squliq ki’a nya’ si phpuzi cingay qu bwax na trakis, tuliq lru mtayluq qu pinhapuy nya’ la, ’mukan nya’ lawzi ru ini’ lawa’ ktwa’ gyahan nya’, ’si kta’ ka pzit qu wayal mha “aring kira’ qani lga, siki mawzyay simu mqumah lga iyat simu pk’uzyay, kya qu mqlang ru ini’ ptzyaw ga , iyat nbah mluw squ nniqun" lma. t’aring squ pins’ryan nha phapuy bwax trakis lga, siki pzyux qu pinqmahan ga ini’ k’uzyay.
taqu qqaniq squ hi’ na qsinu hiya ga, kya qutux ryax, maki’ qutux bnkis na knayril, ki’a msqawlu’ iyal lru ’si nya’ qapi krahu’ qu papak na bqanux, aring kya lga kmal qu bganux mha “simu ka squliq qani ’mblayqun simu gmalu’, ssyukun sami pkrwa, pgyarun simu la” lru t'uqu qu qsinu, siki mawzay msqun musa’ qmalup lga, ptalam qutux knutan ru pnbu qutux tguq azyang lma.
泰雅昔日生活
古代泰雅生活是多麼讓人懷念與追憶，因為輕而易舉的就可以應付一切生活的需要。我們只需要一粒小米或者是一粒山栗，經過煮熟之後往往就是一大鍋米飯可以食用。到了農忙季節，他們細心照料一粒撒下的種籽，從小到大，那麼到了收獲的時候，那個會經被播上的一粒種籽，就可以讓他們飽食一年而綽綽有餘的。
倘若你需要享用任何東西的話，它們還會爭先恐後地讓你享用。如果你想吃獸類的肉時，像是山豬等，牠們會自動把自己的尾巴讓你解去吃肉的欲望。要不然你只要拔掉牠身上的一根毛，再用竹簍蓋起來，不一會功夫當你開啓之時，牠變成了滿滿的一堆了。即使像是山鹿也一樣，牠只要讓你割去一塊耳朵，你要想一次把他煮來食用，那是不太可能，因為份量會太多反而吃不完。如果你缺乏薪柴的話，它們更能夠從窗戶不請自來而不費吹灰之力的。
後來，有這麼一天有一個人，也許他認為一粒米太少了，就一下煮了一堆的小米，結果煮的飯始終不熟，想著想著又把它重新蓋上蓋子，沒有多久他奈不住又把蓋子掀開了。突然之間，一群小鳥陸續從鍋中“Bur-Bur-”的飛去，小鳥各自飛上蘆薈的末梢ci-ci⋯tsa⋯的叫者似有所云。其中有一隻開口說話“從今天以後，你們必須努力而且汗流夾背的辛勤的工作，否則會嘗到飢餓的苦果，如果還有人意欲偷懶且不工作的話，你們別想能夠混到可以吃的東西。自從他們貪心地把小米毫不留情面的浪費煮食之後，他們就需要開墾更多的農地時，才能維持不飢餓的狀態。
至於在肉品的獲取方面，在某一天裡有一個泰雅老婦人，趁大夥不在的時候，也許她已經很久沒有品嚐獸肉的味道，因此她興奮地割下山鹿的一大塊肉，而想大吃一頓。不料山鹿卻含淚對泰雅老婦說：「我以憐憫之必讓你們人類飽足，你們反到摧殘我們，從此之後我要離開你們」，山鹿終於憤而離開。人們必須集體行獵，能享受一塊肉或者是一口湯的境地。以上我傳訴的即是吾族先輩昔日的生活情況。